Давит Модзманашвили ярим финалда ютқазди. Ўзбекистоннинг 2 вакили бронза учун курашади

Ўзбекистон эркин кураш терма жамоасининг 125 кг вазн тоифасидаги вакили Давит Модзманашвили Осиё ўйинларида финалга чиқа олмади.

У ярим финалда эронлик Парвиз Ҳадизодага қарши курашиб, 8:11 ҳисобида (6:4, 2:7) ҳисобида мағлуб бўлди.

Энди Модзманашвили бронза медали учун ҳиндистонлик Сумит Сумитга қарши гиламга чиқади.

Давит Модзманашвили нимчорак финалда индонезиялик Димас Септо Анугҳарани 10:0, чорак финалда мўғулистонлик Натсагсурен Золбоо устидан 3:0 (1:0, 2:0) ҳисобида ғолиб чиқиб, ярим финалга етиб келганди.

Бундан аввалроқ аёллар курашида 50 кг вазн тоифасида иштирок этувчи Даулетбике Яхшимуратова ярим финалда ютқазгани ва бронза учун курашиши маълум бўлганди.