Бразилиянинг Куритиба пойтахт минтақасида «Сан-Бенту»нинг 24 ёшли футболчиси Даниэль Фрейтас шафқатсиз тарзда ўлдирилди.
UOL Esporte нашри маълумотига кўра, ўйинчининг жасади Бразилиядаги Сан-Жозе-дус-Пиньяйс шаҳрида топилган. Хабар қилинишича, Фрейтеснинг танасида қийноққа солинганлик белгилари аниқланди. Полиция терговни бошлаган ва ўлдирилган шахснинг яқин қариндошларини сўроқ қилган.
Ўйинчи аслида «Сан-Паулу»га тегишли бўлган, бироқ «Сан-Бенту»да ижара ҳуқуқи асосида тўп сурган.
