ОАВ Безослар можароси бўйича янги маълумот берди

Фото: Getty Images

Американинг Amazon компанияси асосчиси Жефф Безос рафиқаси Маккензи Безос ажрашиш жараёни ўз ниҳоясига етганидан сўнг эри мол-мулкининг ярмини олади. Бу ҳақда TMZ портали хабар бермоқда.

Нашрдан айтишларича, Безослар ажрашиш учун ариза топширган Вашингтон штати қонунларига биноан, биргаликда ишлаб топилган мулк эр-хотин ўртасида тенг равишда тақсимланади. Бунга ягона тўсиқ никоҳ шартномаси бўлиши мумкин, аммо TMZ маълумотларига кўра, Жефф ва Маккензи ўртасида бундай келишув мавжуд эмас.

Эслатиб ўтамиз, аввалроқ Bloomberg агентлиги ҳисоб-китобларига кўра, Жефф Безоснинг хотини Маккензи Безос ажрашиш жараёнидан сўнг дунёдаги энг бой аёлга айланиши мумкин экани хабар берилганди.