Ангрендаги GM Uzbekistan ягона расмий дилери ўз мижозлари ўртасида иккинчи марта йирик совринли ўйинни ўтказди.
13 январь куни Ангрен шаҳрида маиший техникалар ютуқли ўйинининг иккинчи босқичи бўлиб ўтди: ғолибларни учтадан Artel маркасидаги телевизорлари, икки камерали совутгичлар ва замонавий кир ювиш машиналари кутаётган эди. Бу сафарги ютуқли ўйинда иштирокчилар сони бир неча баробарга ортди, лототрондаги кўплаб купонлар бунинг яққол исботи. Омадли ғолиблар ҳар доимгидек автомобиль хариди учун тузилган шартнома рақами ва харидорнинг исми-шарифи ёзилган купонлар солинган барабан ёрдамида тасодифий шаклда танлаб олинди. Натижада тўққиз нафар ғолиблар холисона аниқланди - купонлар эса меҳмонлар иштирокида барабандан олинди. Ютиб олинган маиший техникаларни Ўзбекистоннинг турли вилоятларидан ташриф буюрган кишилар ўз уйларига олиб кетишди. Ютуқли ўйиннинг қоидасига кўра, ғолиблар бош ютуқ - Chevrolet Tracker автомобилини ютиб олиш ҳуқуқини ҳам сақлаб қолишди.
Ўйин автосалоннинг бош офисида бўлиб ўтди ва ўйин жараёни компаниянинг Instagram саҳифасида тўғридан-тўғри узатиб борилди.
Эслатиб ўтамиз, акция жисмоний ва юридик шахслар учун амал қилади. Акция 2018 йилнинг 12 ноябрида бошланган бўлиб, 2019 йилнинг 12 февралига қадар давом этади. Иккинчи ойлик ютуқли ўйинда иштирок этиш учун Ангрен шаҳридаги Lion Motors автосалони билан автомобиль харид қилиш учун шартнома имзолаш ва шартномада кўрсатилган маблағнинг 85% ини тўлаш лозим. Шунингдек, автосалонда шартнома рақами кўрсатилган махсус купонни ҳам тўлдириб, лототрон ичига ташлаш зарур.
Акцияда автомобиль харид қилиш учун Ангрен шаҳридаги ягона Lion Motors автосалони билан, шунингдек бевосита www.lionmotors.uz (http://www.lionmotors.uz) расмий сайти орқали шартнома имзолаган харидорлар иштирок этади. Расмий сайт орқали харид амалга оширилганда, акцияда иштирок этиш учун ариза шартномадаги маблағнинг 85% и мижоз томонидан тўланганидан сўнг, автосалон ходими томонидан тўлдирилади ва автомат равишда ютуқли ўйин иштирокчисига айланади.
