Австралия ҳам Гуайдони Венесуэла муваққат президенти сифатида тан олди

Австралия Ташқи ишлар вазирлиги раҳбари Мэрис Пэйннинг билдиришича, Австралия Венесуэла мухолифати етакчиси Хуан Гуайдони муваққат президент сифатида тан олади.

Унинг айтишича, Венесуэла ҳудудида сайловлар ўтмагунича миллий ассамблея раиси Гуайдо вақтинчалик президент мақомида бўлади.

Эслатиб ўтамиз, аввалроқ Гуайдо Мадурони четлатиш бўйича ҳарбийлар билан музокаралар олиб борилаётганини маълум қилганди.

Маълумот учун, Венесуэлада ҳокимият учун кураш 23 январда президент Николас Мадурога қарши митинг билан бошланганди. Мухолиф томон етакчиси Гуайдони АҚШ, Исроил, Канада, Албания, Грузия, Бразилия, Аргентина, Чили, Колумбия, Коста-Рика, Гватемала, Гондурас, Панама, Парагвай, Перу каби давлатлар Венесуэла президенти дея тан олган.

Буюк Британия, Германия, Франция ва Испаниядан сўнг Нидерландия ҳам Венесуэлада саккиз кун ичида президент сайлови бўлиб ўтиши эълон қилинмайдиган бўлса, Гуайдони мамлакатнинг вақтинчалик президенти деб тан олишини маълум қилди.