Мадуро: Америка империализми Венесуэлага энергетик уруш эълон қилди

Фото: REUTERS

Венесуэла президенти Николас Мадуронинг сўзларига кўра, АҚШ Венесуэлага «энергетик уруш» эълон қилган. Бу ҳақда у твиттердаги саҳифасида ёзди.

Шу билан бирга, Мадуронинг билдиришича, «Америка империализми» Венесуэла собиқ президенти Уго Чавес «халқи»ни енгиб чиқишда муваффақият қозона олмайди.

Мадуро АҚШнинг электр энергиясидаги узилишларга алоқадорлиги бўйича ҳеч қандай далилларни келтирмаган.

Эслатиб ўтамиз, аввалроқ Венесуэла мухолифати етакчиси Хуан Гуайдо Европани Каракасга қарши молиявий санкцияларни кучайтиришга чақирганди.

Тайёрлаган Отабек Матназаров

#АҚШ #Венесуэла #Николас Мадуро

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди