9 мартда Turkish Airlines авиакомпаниясининг Истанбулдан Нью-Йоркка парвозни амалга оширган самолётида турбулентлик вақтида 29 йўловчи жароҳат олди. Бу ҳақда NBC телеканали хабар берди.
Маълум қилинишича, самолёт бортида 326 йўловчи ва экипажнинг 21 аъзоси бўлган. Самолёт Нью-Йоркдаги Жон Кеннеди номидаги аэропортга яқинлашаётганда самолётда кучли титраш бошланган.
Охирги маълумотларга кўра, 29 киши енгил, асосан лат ейиш жароҳати олган.
