Россия ва Украина ўртасидаги Дўстлик ҳақидаги келишув амал қилиши тўхтади

1 апрелдан Россия ва Украина ўртасида 1997 йилда тузилган Дўстлик, ҳамкорлик ва шериклик ҳақидаги келишув амал қилиши тўхтади. 

Украина президенти Петр Порошенко ушбу келишув амал қилиши тугатилиши ҳақидаги фармонни 2018 йил декабрида имзолаган. Кремлда бундан афсус билдирилган.

Келишув Россия ва Украинанинг собиқ президентлари Борис Ельцин ва Леонид Кучма томонидан имзоланган. Ҳужжатда томонлар “суверен тенглик, чегаралар дахлсизлигини ўзаро ҳурмат қилиш, баҳсларнинг тинч йўл билан ҳал қилиниши, куч ишлатмаслик тамойиллари асосида”ги ўзаро муносабатларни қуришга келишиб олишгани айтилган.