Тожикистон Ўзбекистонга ҳар куни қанча электр энергияси етказиб бераётгани маълум бўлди
Тожикистон қўшни мамлакатларга ҳар куни 11 миллион кВт/с электр энергияси экспорт қилмоқда. Бу кўрсаткичнинг катта қисми қўшни Ўзбекистон ҳиссасига тўғри келади. Масалан, 1 майда ушбу мамлакатга 6,2 миллион кВт/с электр энергияси етказиб берилди, деб хабар қилмоқда Авеста.
Афғонистон билан бу кўрсаткич 4,5 миллион кВт/с.ни ташкил қилади. Шунингдек, Қирғизистонга 40 минг кВт/с ҳажмида электр энергияси экспорт қилинди.
Ҳозирги кунда об-ҳаво шароити ва талабга қараб, ҳар куни 53-55 миллион кВт/с электр энергияси ишлаб чиқарилмоқда.
Аввалроқ, Тожикистон бу йил Афғонистон ва Ўзбекистонга электр энергияси экспортини оширишни режалаштираётгани хабар берилганди.
Дастлабки келишувларга кўра, қўшни мамлакатларга қарийб 3,2 млрд. кВт/с электр энергияси етказиб бериш режалаштирилган, яъни ҳар бир мамлакатга 1,6 млрд. кВт/с.дан.
«Барки точик» маълумотига кўра, ўтган йили қўшни Ўзбекистонга 1 миллиард 480 миллион кВт/с электр энергияси ҳар бир кВт учун 2 АҚШ центи нархида экспорт қилинган.
Мавзуга оид
22:34 / 11.09.2024
Тожикистон муфтийси ҳужумга учради
21:41 / 10.09.2024
Тожикистон ўз фуқароларига Россияга сафар қилмасликни тавсия этди
20:00 / 02.09.2024
Имомали Раҳмон болалар ва ўқитувчиларни ўзини кутиб олиш тадбирларига чақиришни тақиқлади
08:47 / 30.08.2024