Uzbekistan Airways миллий авиакомпанияси мамлакат ички рейслари учун эконом класс чипталари тарифларини қайта кўриб чиқди.

Компания эконом класснинг қатор тарифлари (U, S, O, V, T, K, M ва B) бўйича чипталар нархини 1−4 еврога, Y тарифида эса деярли икки баравар оширишга қарор қилган.

Компания изоҳига кўра, тариф нархларини қайта кўриб чиқишга ёқилғи харажатлари ошиб кетгани сабаб бўлган. 

Ҳуқуқшунос Хушнудбек Худойбердиев ўзининг телеграмдаги каналида бу ҳолатга ўз муносабатини билдирган. Унинг қайд этишича, 4 май куни тахминан 416 минг сўмга нархланган эконом класснинг Y​ тарифи баҳосини қарийб 890 минг сўм этиб қўйишдан аввал қонун талабини бажариш лозим эди. 

«Табиий монополиялар тўғрисида»ги Қонуннинг 7-моддасида ваколатли органнинг нархлар (тарифлар) бўйича қарори табиий монополия субъектлари томонидан улар кучга киришидан камида ўн беш кун аввал оммавий ахборот воситаларида эълон қилинади, дея белгиланган.​ Компания эса бу ҳақда нархни ошириб бўлгач хабар беряпти», — деб ёзган у. 

Маълумот учун, эконом класснинг Y тарифидаги чипталар халқаро стандартлар бўйича бизнес ва биринчи классга яқин нархланади. Унинг асосий афзалликлари шундаки, Y тарифида чипталарни харид қилишда қайтиб келиш санасини эркин танлаш (очиқ қолдириш), парвоз вақти ва кунини ўзгартириш, турли вазиятларда тўланган пулни қайтариб олиш ва бошқа имкониятлар тақдим этилади.

2 май куни Тошкент халқаро аэропортидан «Тошкент-Жакарта-Тошкент» йўналишида парвозларни амалга оширишни бошлаган Uzbekistan Airways миллий авиакомпанияси ушбу йўналишда нархларни пасайтирган.

«Умра+» дастури, Самарқанд, Бухоро, Хивадаги ислом зиёратгоҳлари ҳамда Ўзбекистондаги зиёрат, экологик, гастрономик ва бошқа туризм йўналишларида фаол иштирок этиш истагида бўлган Индонезиянинг туристик компаниялари, аввало, тўғридан-тўғри қатнов қўйилганидан хурсанд бўлса-да, унинг нархи қимматлиги таъкидланган. 

Тадқиқотчи ва мутахассис Азиза Умарова МАКнинг монопол мавқейи ва рақобатбардош бўлмаган нарх сиёсати​ оқибатида Ўзбекистон  мамлакат ЯИМни тўлдирадиган салоҳиятли йўловчилар оқимини​ йўқотиши ҳақида фикр билдирганди. 

Танқид ва баҳслардан сўнг, Ўзбекистон Туризмни ривожлантириш давлат қўмитаси ​«Тошкент-Жакарта-Тошкент»​ йўналишидаги битта чипта ўртача 800 доллардан 641 долларгача арзонлаганини