Тошкент давлат иқтисодиёт университетининг Самарқанд филиали ташкил этилди 

Ҳукумат қарори билан Тошкент давлат иқтисодиёт университетининг Самарқанд филиали ташкил этилди. Бу ҳақда Адлия вазирлиги хабар бермоқда.

Филиалнинг асосий вазифаси Германия ва бошқа ривожланган давлатлар билан ҳамкорликда қуйидаги йўналишлар бўйича малакали кадрлар тайёрлаш ҳисобланади:

«Рақамли иқтисодиёт»;
«Қишлоқ хўжалиги иқтисодиёти»;
«Озиқ-овқат ва ресурслар иқтисодиёти»;
«Агробизнес ва маркетинг»;
«Бухгалтерия ҳисоби ва аудит».

Филиалга қабул 2019/2020 ўқув йилидан бошланади.

Эслатиб ўтамиз, шу ҳафтада Тошкент ирригация ва қишлоқ хўжалигини механизациялаш муҳандислари институтининг Қарши филиали ташкил этилгани хабар қилинган эди.