Viessmann халқаро корхонаси Ўзбекистонда Artel компанияси билан ҳамкорликда ўз маҳсулотларини ишлаб чиқаришни бошлади

Жорий йилнинг 12-июль кунида Artel заводида Германиянинг Viessmann компанияси маҳсулотларини ишлаб чиқариш линиясининг тантанали очилиш маросими бўлиб ўтди. Эндиликда Artel компанияси заводида Германиянинг Viessmann бренди остида икки контурли газда ишлайдиган иситиш қозонлари, ҳамда Viessmann иситиш қозонлари учун эҳтиёт қисмлар ишлаб чиқарилади.

Viessmann корхонаси 100 йил аввал жорий этилган бўлиб, бугунги кунда иситиш, совитиш ва саноат тизимларини ишлаб чиқариш бўйича дунёнинг етакчи корхоналаридан бири ҳисобланади. Компания таркибида 11 та давлатда жойлашган 22 та саноат корхонаси, 74 давлатда жойлашган ваколатхоналар ва ҳудудий бўлимлар, ҳамда дунё бўйича 120 та савдо офиси мавжуд. 

Artel - бугунги кунда Ўрта Осиёнинг энг йирик маиший техника ва электроника ишлаб чиқарувчи корхонасидир. Artel компаниясида маҳсулотларнинг сифати ва корхона мутахассисларининг тажрибасини мунтазам ошириб бориш сиёсати жорий этилган. Компаниянинг ишлаб чиқариш тизимлари ва менеджмент бошқаруви эса дунё стандартларига мувофиқдир. Ушбу омиллар Artel илғор ғояларни илгари сурувчи, ҳамда дунёнинг ҳар қандай етакчи корхонаси билан ҳамкорлик қила оладиган инновацион компания эканлиги ҳақида яққол дарак беради.

Бугунда Artel заводида Viessmann бренди остида Vitopend 100-W A1JB русумли 12, 24, 30 ҳамда 34 кВт қувватга эга икки контурли газда ишлайдиган иситиш қозонлари ишлаб чиқариш йўлга қўйилди.

Икки контурли Viessmann иситиш қозонларининг унумдорлиги камида 90% ташкил этади. Ички ёниш камераси герметиклиги, тутунни мажбурий бартараф этиш ва ёниш учун кислородни ташқаридан олиш тизимлари эса иситиш қозонини хонадоннинг ичида ўрнатишга имконият яратади. Viessmann икки контурли иситиш қозонлари 96 м2 дан 340 м2 гача бўлган майдонни иситишга қодир, уларнинг иссиқлик қуввати эса бир дақиқада 16 литргача сувни иситиш учун етарлидир.

Икки йирик корхона орасидаги ҳамкорлик Ўзбекистон бозорларида Германия технологиялари бўйича яратилган юқори сифатли иситиш ускуналарини янада кенг тарқалишига ва юртимиз аҳолисига қўшимча қулайлик бахш этишига ўз ҳиссасини қўшади.

Реклама ҳуқуқи асосида