Қўшимча функционаллар
-
Тунги кўриниш
Месси миллий жамоа ўйинларидан 3 ойга четлатилди
Фото: Douglas Magno/Agence France-Presse — Getty Images
«Барселона» ҳужумчиси Лионель Месси Аргентина миллий жамоаси ўйинларидан узоқ муддатга четлатилди.
AS хабарига кўра, КОНМЕБОЛ футболчини 3 ой муддатга дисквалификация қилди. Унинг муддати 2 августдан бошлаб ҳисобланади. Натижада Месси 2019 йил ноябрь ойининг бошигача Аргентина миллий жамоаси ўйинларида иштирок этолмайди.
Жазо чоралари футболчининг Америка Кубогидаги хатти-ҳаракатлари билан боғлиқ. Аргентина миллий жамоаси бронза медалларини қўлга киритган, аммо ҳужумчи тақдирлаш маросимида иштирок этишдан бош тортган, шунингдек, жамоасининг финалга чиқолмаганига ҳакамлар ва коррупция сабаб бўлганини айтган эди.
Дастлаб Месси 1,5 минг доллар миқдорида жаримага тортилиб, 1та ўйинга дисквалификация қилинган эди.
Қайд қилиш жоизки, Аргентина миллий жамоаси йил охирига қадар фақат ўртоқлик ўйинларини ўтказади. Сентябрь ойида «оқ-ҳаворанглилар» Мексика ва Чили, октябрда Германия ва Баскония вилояти, ноябрда Саудия Арабистони ва Бразилия билан беллашадилар.
Мавзуга оид
02:36 / 31.10.2023
Лионель Месси — 8 карра «Олтин тўп» соҳиби
01:09 / 01.02.2021
«Барселона» Месси билан тузилган ярим миллиард евролик шартномага муносабат билдирди
16:39 / 18.01.2021
Месси «Барселона»да илк бор «қизил» олди. Бунга қандай реакция бўлди ва у қанча вақтга дисквалификация қилинади?
19:06 / 05.01.2021