Фото: Reuters / Ahmad Masood
Макка шаҳрида (Саудия Арабистони) қирғизистонлик уч нафар зиёратчи вафот этди. Бу ҳақдаги маълумотни 24.kg’га Қирғизистон Мусулмонлари идораси матбуот котиби Мақсат Отабаев тасдиқлади.
Унинг сўзларига кўра, қирғизистонликлар қариндошларининг розилиги билан Маккада дафн этилган. Ўлим сабаби ҳозирча номаълум. Муфтиёт маълумотларига кўра, ҳаётдан кўз юмганларнинг уч нафари ҳам 60 ёшдан ошган.
Бугун зиёратчилар Арафот водийсига Ҳажнинг асосий маросимини бажариш учун етиб келишмоқда.
Бундан олдин, Ҳаж-2019 мавсумида хавфсизлик учун 400 мингга яқин ҳарбий жалб этилгани, ҳожилар сони эса рекорд даражага етиши кутилаётгани хабар қилинганди.
