Янги компания аллақачон дастлабки иккита моделни намойиш этган.
Булар премиум тоифадаги Exobot седани ва йўлтанламасидир. Улар тепага очиладиган «чайка қаноти» туридаги эшиклар билан жиҳозланган бўлиб, дизайни «Tron» филмидаги машиналарни эслатади. Бош директор Жим ДеЛука сўзларига кўра, олд ва орқа қаторлар ўртасидаги одатий устунлар олиб ташланган: кузовнинг қаттиқлигини юқори чидамли материаллар ушлаб туради, шунинг учун орқа ўриндиқларга ўтиш сезиларли даражада осонлашган.
Салонда олд панелнинг бутун кенглигини эгаллаган 48 дюймли панел ўрнатилган. Тизим графикаси Ар-Риёзнинг футуристик манзарасидан илҳомланган. Орқада йўловчилар учун алоҳида 8 дюймли экран мавжуд. Apple CarPlay ва Android Auto тизимларини қўллаб-қувватлаш ваъда қилинмоқда.
Дастлабки версиялар 112 кВт·соат сиғимли батареяга эга бўлади. Эълон қилинган юриш масофаси йўлтанламас учун 500 километрдан ортиқни ва седан учун камида 600 километрни ташкил этади. 100 км/соат тезликка эришиш 2,4 секундгача вақт олади. Тезкор қувватлаш тахминан ярим соат ичида қувватни 80 фоизгача тўлдиради.
Дастлабки иккита моделнинг сотуви 2027 йилга мўлжалланган, нархлар ҳозирча эълон қилинмаган. Аввалига автомобиллар фақат Саудия Арабистонида сотувга чиқади, кейин эса географияни кенгайтириш режалаштирилган. 2030 йилгача Ceer яна бешта машинани, жумладан, гибридларни тақдим этишни режалаштирмоқда.
