Ваколати тугаётган Сенат чақириғининг сўнгги ялпи мажлиси қандай ўтди? (фотогалерея)

14 декабр куни Олий Мажлис юқори палатаси ─ Сенатнинг 2019 йил учун сўнгги 25-ялпи мажлиси бўлиб ўтди. Бу ялпи мажлис жорий чақириқдаги сенаторларнинг ўз ваколатида иштирок этаётган охирги ялпи тадбири ҳисобланади.

Ялпи мажлисни Сенат раиси Танзила Норбоева кириш нутқи билан очиб берди. Танзила Норбоева қонунлар ижросини таъминлашда парламент сўровлари катта самара бераётганини таъкидлади. Шунингдек, айрим сенаторларни танқид остига олиб, улар ўз ҳудудидаги муаммоларни кўтариб чиқишда сусткашликка йўл қўйишганини қайд этди.

Ялпи мажлис кун тартибига 17та масала киритилган бўлиб, шулардан 11таси қонун муҳокамасидир.

Kun.uz фотомухбири Муҳаммаджон Ғаниев Ўзбекистон қонун чиқарувчи ҳокимиятининг энг олий органида ўтган ялпи йиғилишдан фотолавҳаларни тақдим этади.