Бунинг учун “Лицензиялаш, рухсат бериш ва хабардор қилиш тартиб-таомиллари тўғрисида”ги қонунга ўзгартишлар киритилмоқда.
Ўзгартишлар Сенатнинг 8 июл кунги ялпи мажлисида маъқулланди.
Қайд этилишича, “Бизнесга лицензиясиз кириш” махсус режими жорий этилиши натижасида тадбиркорлик субъектлари лицензия ёки рухсатнома олмасдан туриб, электрон тарзда ваколатли органни хабардор қилиш орқали ўз фаолиятини бошлаш имкониятига эга бўлади.
Бунда улар лицензия ёки рухсатнома талабларига мослашиш учун қўшимча вақтга эга бўлиб, ўз фаолиятини синов тарзида бошлаши ва унинг иқтисодий самарадорлигини баҳолаши мумкин бўлади.
“Ушбу ўзгариш тадбиркорлик фаолиятини бошлашни енгиллаштиради, вақт ва харажатларни тежайди ҳамда янги бизнес ташаббусларини рағбатлантиришга хизмат қилади”, – дейилади Сенат матбуот хизмати хабарида.
