10 йилликнинг энг муҳим гаджетлари эълон қилинди

Бу рўйхатдан ҳеч қайси смартфон жой ололмади.

Time журнали сўнгги ўн йилликдаги энг кўзга кўринган қурилмалар рўйхатини тузди. Ушбу рейтинг технология соҳасига энг катта таъсир кўрсатган ва кундалик ҳаётимизни ўзгартирган гаджетларни ўз ичига олади.

Биринчи ўрин 2010 йил iPad планшетига берилди, нашрнинг таъкидлашича, у шахсий компьютерлар соҳасида маданий силжишларга олиб келди ва кейинги ўн йиллик портатив қурилмаларги йўналиш вазифасини ўтади.

Иккинчи ўринни бутун автомобилсозлик саноати ривожланиш йўлини аста-секин ўзгартирган Tesla Model S (2012) электр автомобили эгаллади. У ўз рақобатчиларини батареяли келажакни қабул қилишига мажбур қилди ва электр машиналар шиддаткор бўла олишини исботлади.

Учинчи қаторда Raspberry Pi (2012) бир платали компьютери қайд этилган. Raspberry Pi «Ўзинг уддала» янги ёрқин экотизими учун асосга айланди. Ушбу митти компьютер негизида метеостанциялар, ретро консоллар, ақлли динамиклар, булутли серверлар ва бошқалар яратилган.

Time версияси бўйича энг яхши 10та гаджет қуйидагича:
1. iPad (2010)
2. Tesla Model S (2012)
3. Raspberry Pi (2012)
4. Google Chromecast (2013)
5. DJI Phantom (2013)
6. Amazon Echo (2014)
7. Apple Watch (2015)
8. Apple AirPods (2016)
9. Nintendo Switch (2017)
10. Xbox Adaptive Controller (2018)