Коронавирус оқибатида Equinox’нинг етказиб берилиши кечикиши мумкин - UzAuto Motors

Коронавирус оқибатида Chevrolet Equinox’нинг Ўзбекистонга етказиб берилиши кечикиши мумкин

Фото: KUN.UZ

Бугунги кунда авж олаётган коронавирус сабабли кўпгина автомобиль ишлаб чиқарувчиларда Хитойда ишлаб чиқариладиган эҳтиёт қисмларни етказиб берилишида муаммо юзага келгани сабабли ўз заводларида ишлаб чиқаришни вақтинча тўхтатиб қўйишди.

UzAuto Motors хабарига кўра, ушбу фавқулодда вазият туфайли Chevrolet Equinox автомобилининг етказиб берилиши ҳам минтақадаги эпидемия билан боғлиқ вазият ўзгармагунга қадар кечиктирилиши мумкин.

Chevrolet Equinox автомобилини сотиб олиш учун шартнома пулини тўлаган ва автомобиль етказиб берилиши қайта тикланишини кутишни истамаган мижозлар белгиланган тартибда тўланган суммани қайтариб олишлари мумкин. Шунингдек, UzAuto Motors дилерлик марказларидан бошқа ҳар қандай автомобилни сотиб олиш учун шартномани алмаштиришлари мумкин бўлади.

Chevrolet Equinox автомобили учун шартномалар 2019 йилнинг 27 декабридан эътиборан куни UzAuto Motors компаниясининг Ўзбекистондаги барча дилерлик дўконларида бошланган.

Компания юзага келган вақтинчалик ноқулайликлар учун узр сўраган. Мазкур автомобилни етказиб беришни қайта тикланиши тўғрисида компаниянинг расмий манбаларида хабар берилиши айтилган.

Тайёрлаган: Отабек Матназаров

#коронавирус #Equinox

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.