Молдова энди Россиядан газ сотиб олмаяпти, деб маълум қилди мамлакат президенти Майя Санду.
Унинг сўзларига кўра, Молдовани Руминия ва Европа энергетика тизими билан боғловчи электр узатиш тармоғи ишга туширилган.
«Бугун биз Молдовани Руминия ва Европа энергетика тизими билан боғловчи Вулканешти — Кишинёв электр узатиш тармоғини ишга туширдик. Москва ўнлаб йиллар давомида энергетикадан шантаж воситаси сифатида фойдаланиб келди. Энди бу давр тугади», — деб ёзди Санду X ижтимоий тармоғида.
Унинг қўшимча қилишича, Молдова келгусида Руминия билан яна иккита электр узатиш тармоғини қуришни режалаштирмоқда.
2025 йилда Украина ўз ҳудуди орқали Россия гази транзитини тўхтатган, бу Днестрбўйидаги Молдова ГРЭСида электр энергияси ишлаб чиқариш ҳажми қисқаришига олиб келганди, чунки станцияда газ электр энергияси ишлаб чиқариш учун асосий ёқилғи сифатида ишлатилган. Станция Молдованинг электр энергиясига бўлган эҳтиёжининг 80 фоизини таъминлаган.
Ўшанда республика электр энергиясини Европа етказиб берувчиларидан сотиб олишга ўтганди.
