21 мартдаги маълумотга кўра, дунёнинг 166 давлатида 275 мингдан ортиқ инсонда коронавирус касаллиги аниқланган. Вирус янада кўпроқ одамларга юқмаслиги учун шифокорлар иложи бўлса, уйдан ташқарига чиқмасликни, бошқалар билан алоқада бўлмасликни тавсия этишмоқда.
Бироқ огоҳлантиришларга қарамасдан, карантин тартибига амал қилмаётган юртдошларимиз кўп. Ҳалигача меҳмондорчиликлар давом этмоқда, чойхоналар, бозорлар гавжум. Гўёки коронавирус уларни четлаб ўтадигандек.
Kun.uz таҳририяти пандемия даврида мураккаб эпидемиологик шароитда миллий бирдамликни тарғиб қилиш мақсадида #UydaQoling деб номланган танловни эълон қилмоқда.
Мақсадимиз: Карантин даврини хавфсиз ўтишини таъминлаш учун инсонларни заруратсиз кўчага чиқмасдан, уйда қолиб, вақтларини оила даврасида, фойдали машғулотлар билан банд қилиш. Танловга юбориладиган видеода карантин туфайли мактабга бормаётган фарзандингиз билан дарс қилаётганингиз, спорт билан шуғулланаётганингиз ёки болаларингизга Қуръон ёдлатаётганингиз акс этиши мумкин. Албатта булар шунчаки мисоллар. Қолгани сизнинг тасаввурингизга боғлиқ. Видео креатив ва қизиқарли бўлсин, шу билан бирга, бошқаларни ҳам илҳомлантирсин. Хориждаги ватандошларимизни ҳам танловда иштирок этишга чорлаб қоламиз.
Видеолар 22 мартдан 1 апрелгача қабул қилинади. 10 кун давомида 28 нафар ғолиб аниқланади. Яъни ҳар куни 3 киши 1 миллион сўмдан пул мукофотини қўлга киритади. Мукофот жамғармаси эса 30 млн сўмни ташкил этади.
Танлов шартлари қуйидагича: (Уларнинг ҳар бири тўлиқ бажарилиш керак)
1. Уйингизда, оила даврасида, ёлғиз яшасангиз ўзингиз фойдали машғулот билан шуғулланаётганингизни телефонингизда видеога олинг.
Видеода коронавирусни юқтириб олмаслик ёки эпидемия тарқалишига сабаб бўлиб қолмаслик учун нималар қилаётганингиз, карантин шароитидаги тавсияларга қанчалик риоя этаётганингиз акс этиши ҳам мумкин.
2. Видеони Facebook, Instagram ёки Twitter тармоғидаги шахсий саҳифангизга пост кўринишида, айнан пост кўринишида
