Қўшимча функционаллар
-
Тунги кўриниш
Бухоро ва Хоразмда даволанган 5 нафар бемор Covid-19’дан бутунлай соғайди
Ўзбекистонда коронавирусдан тузалганлар сони 5 нафарга ошиб, жами 66 кишига етди. Бу ҳақда Соғлиқни сақлаш вазирлиги маълум қилди.
Фото: Соғлиқни сақлаш вазирлиги
12 апрель куни Бухорода даволанган 4 нафар, Хоразмда даволанган 1 нафар бемор тўлиқ соғайиб, реабилитацияга ўтказилди.
Вазирлик хабарига кўра, Бухорода даволаниб тузалган беморларнинг икки нафари (бири Андижондан, яна бири эса Тошкент вилоятидан) Туркиядан Бухорога келган бўлиб, жорий йил 26 март куни коронавирус инфекцияси аниқланган. Фарғоналик икки нафар фуқаро эса чартер рейс орқали Россиядан Бухорога келгач, уларда ҳам коронавирус инфекцияси тасдиқланган эди.
Фото: Соғлиқни сақлаш вазирлиги
Хоразмда соғайган бир бемор эса 32 ёшли сурхондарёлик бўлиб, у Россиядан чартер рейсда Урганчга келгач, 25 март куни унда коронавирус инфекцияси аниқланган ва вилоят юқумли касалликлар шифохонасига ётқизилган.
Бугун, шунингдек, Тошкентдаги Вирусология илмий-текшириш институти клиникасида даволанган 19 бемор соғайиб, реабилитацияга ўтказилди. Икки кун олдин Наманган вилояти юқумли касалликлар шифохонасида ҳам коронавирусга чалинган 4 нафар беморнинг бутунлай соғайишига эришилган эди.
Айни пайтда Ўзбекистонда 763 киши коронавирусдан даволанмоқда. Жами 66 киши тўлиқ тузалиб, реабилитацияга ўтказилган; қурбонлар – 4 нафар.
12 апрель куни 66та янги ҳолат аниқланиб, жами зарарланиш ҳолатлари 833тага етди.
Коронавирус Ўзбекистонда
Мавзуга оид
17:40 / 30.04.2026
Бухородаги тарихий мажмуа олдида ноқонуний тарғибот: ММА турнири баннерида онлайн қимор ўйини логотипи ҳам бор
09:15 / 30.04.2026
Бухоро ва Сурхондарёда Афғонистондан контрабанда қилинган опийнинг катта партияси аниқланди
09:23 / 28.04.2026
«Урганч-1» сув кўтарувчи насос станцияси янгиланади – Саида Мирзиёева
21:46 / 27.04.2026