Диний ташкилотларни давлат рўйхатидан ўтказиш учун розилик бериш тартибига ўзгартиришлар киритилади

Норматив-ҳуқуқий ҳужжатлар лойиҳалари муҳокамаси порталида “Диний ташкилотларни давлат рўйхатидан ўтказиш учун розилик бериш тартиби тўғрисидаги низомга ўзгартиришлар киритиш ҳақида”ги ҳужжат лойиҳаси эълон қилинди.

Вазирлар Маҳкамаси ҳузуридаги Дин ишлари бўйича қўмита томонидан ишлаб чиқилган ҳужжат лойиҳасига кўра, қўмитага қуйидаги ҳужжатлар тақдим этилади:

а) диний ташкилотларнинг марказий бошқарув органлари учун:

таъсис йиғилиши (конференцияси)нинг раиси ва котиби ҳамда диний ташкилотларнинг марказий бошқарув органини тузиш ташаббускорлари бўлган ўн саккиз ёшга етган юз нафардан кам бўлмаган Ўзбекистон Республикаси фуқароси имзолаган Низомнинг 1-иловасидаги шаклга мувофиқ ариза;

марказий бошқарув органни ташкил қилиш, унинг уставини тасдиқлаш ва раҳбар органларини сайлаш бўйича маълумотлар мавжуд бўлган таъсис йиғилиши (конференцияси) баённомаси ва марказий бошқарув органи уставининг нусхалари;

марказий бошқарув органининг таъсисчилари тўғрисидаги Низомнинг 2-иловасидаги шаклга мувофиқ маълумот;

марказий бошқарув органининг раҳбар органи аъзолари тўғрисидаги Низомнинг 3-иловасидаги шаклга мувофиқ маълумот;

марказий бошқарув органи раҳбарларининг диний маълумоти ҳақидаги ҳужжатлари (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади) нусхалари;

марказий бошқарув органининг юридик (почта) манзили тўғрисида тегишли маҳаллий давлат ҳокимияти органининг (Ўзбекистон Республикаси Қурилиш вазирлиги, Соғлиқни сақлаш вазирлиги санитария-эпидемиологик осойишталик марказлари, Фавқулодда вазиятлар вазирлиги Давлат ёнғин хавфсизлиги хизматининг тегишли бўлинмалари ва фуқароларнинг ўзини ўзи бошқариш органларининг розилик хатининг нусхаси илова қилинган ҳолда) кафолат хати нусхаси;

б) диний таълим муассасалари учун:

диний ташкилотларнинг марказий бошқарув органи раҳбари ҳамда диний таълим муассасаси тузиш ташаббускорлари бўлган ўн саккиз ёшга етган юз нафардан кам бўлмаган Ўзбекистон Республикаси фуқароси имзолаган Низомнинг 1-иловасидаги шаклга мувофиқ ариза;

диний таълим муассасасини ташкил қилиш, уставини тасдиқлаш ва раҳбар органларини сайлаш (тайинлаш) бўйича маълумотлар мавжуд бўлган марказий бошқарув органининг ваколатли раҳбар органи йиғилиши баённомасининг ва диний таълим муассасаси уставининг нусхалари;

диний таълим муассасаси таъсисчиси — диний ташкилотларнинг марказий бошқарув органи рўйхатдан ўтказилганлиги ҳақидаги гувоҳнома ва уставининг нусхаси;

диний таълим муассасасининг раҳбар органи аъзолари тўғрисидаги Низомнинг 3-иловасидаги шаклга мувофиқ маълумот;

диний таълим муассасаси раҳбарларининг диний маълумоти ҳақидаги ҳужжатлари (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади) нусхалари;

диний таълим муассасасининг юридик (почта) манзили тўғрисида тегишли маҳаллий давлат ҳокимияти органининг (Ўзбекистон Республикаси Қурилиш вазирлиги, Соғлиқни сақлаш вазирлиги санитария-эпидемиологик осойишталик марказлари, Фавқулодда вазиятлар вазирлиги Давлат ёнғин хавфсизлиги хизматининг тегишли бўлинмалари ва фуқароларнинг ўзини ўзи бошқариш органларининг розилик хати нусхаси илова қилинган ҳолда) кафолат хати нусхаси;

в) маҳаллий диний ташкилотлар учун:

диний ташкилот тузиш ташаббускорлари бўлган ўн саккиз ёшга етган юз нафардан кам бўлмаган Ўзбекистон Республикаси фуқаролари имзолаган Низомнинг 1-иловасидаги шаклга мувофиқ ариза;

диний ташкилотни ташкил қилиш, унинг уставини тасдиқлаш ва раҳбар органларини сайлаш бўйича маълумотлар мавжуд бўлган таъсис йиғилиши баённомаси ва диний ташкилот уставининг нусхалари;

диний ташкилотнинг раҳбар органи аъзолари тўғрисидаги Низомнинг 3-иловасидаги шаклга мувофиқ маълумот;

диний ташкилотни тузиш ташаббускорлари тўғрисидаги Низомнинг 4-иловасидаги шаклга мувофиқ маълумот;

диний ташкилот раҳбарларининг диний маълумоти ҳақидаги ҳужжатлари (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади) нусхалари;

диний ташкилотнинг юридик (почта) манзили тўғрисида маҳаллий давлат ҳокимияти органининг (Ўзбекистон Республикаси Қурилиш вазирлиги, Соғлиқни сақлаш вазирлиги санитария-эпидемиологик осойишталик марказлари, Фавқулодда вазиятлар вазирлиги Давлат ёнғин хавфсизлиги хизматининг тегишли бўлинмалари ва фуқароларнинг ўзини ўзи бошқариш органларининг розилик хати нусхаси илова қилинган ҳолда) кафолат хати нусхаси;

диний ташкилотга яқин ҳудудда жойлашган бир конфессияга мансуб диний ташкилотлар билан оралиқ масофа ҳақида аниқ маълумот;

диний ташкилотнинг фаолият олиб бориши учун зарур бўлган молиявий манбалари ҳақида маълумотнома.