Маълум бўлишича, бир аёлнинг боши узиб ташланган. Франция Ишчи ишлар вазири Жеральд Дарманен Твиттердаги саҳифасида ёзишича, воқеа жойида полиция ишламоқда. Шунингдек, вазир мамлакат ички ишлар тизимидаги фавқулодда вазиятни назорат қилаётганини айтган.
Гувоҳларнинг айтишича, қуролланган шахс эрталаб черковга бораётганларга ҳужум қилган ва бир аёлни черковнинг ўзида ўлдирган. Яна бир аёл жиноятчидан қочиб, черков ёнидаги кафега яширинган ва ўша ерда ўлдирилган. Ўлганлардан яна бири эркак киши бўлган.
Қуролли ҳужумни амалга оширган шахс қўлга олинган. Ницца мэри Кристиан Эстрозининг айтишича, қуролли ҳужумни амалга оширган шахс қўлга олинаётган вақтда яраланган. Эммануэль Макрон воқеа жойига етиб борган.
Макрон воқеа жойидан баёнот берди ва содир бўлган воқеани террор деб атади. Унинг айтишича, мамлакатдаги мактабларда хавфсизлик кучайтирилади ва 7 минггача аскар хавфсизликни таъминлашга жалб қилинади.
