Инспекция хабарига кўра, мурожаатлар ўрганилиши натижасида:
- ҳозирда фаолият юритаётган 143 та корхона ва ташкилот раҳбарларига нисбатан маъмурий ҳамда жиноий таъсир чоралари қўлланган;
- 56 та корхона ва ташкилотга ёзма кўрсатмалар киритилган.
Шунингдек, ўрганишлар давомида айрим мурожаатларда кўрсатилган корхона ва ташкилотлар бугунги кунда тугатилгани аниқланди. Бундай ҳолатларда фуқароларнинг ҳуқуқларини тиклаш мақсадида 2020-2025 йилларда киритилган нотўғри маълумотлар Ягона миллий меҳнат тизими (ЯММТ)дан ўчирилган.
“Агар меҳнат фаолиятингиз ҳақидаги маълумотлар сизга маълум бўлмаган ҳолда расмийлаштирилганини аниқласангиз, ваколатли органларга мурожаат қилинг”, дейилади инспекция ахборотида.
Бандлик вазирлиги билан (Меҳнат инспекцияси ушбу вазирлик таркибида фаолият юритади) 1176 қисқа рақами орқали боғланиш мумкин.
