Евроиттифоқда коронавирусга қарши эмлаш қачондан бошланиши маълум қилинди

Еврокомиссия раҳбари Урсула фон дер Ляйен ЕИ аҳолиси коронавирусга қарши қачондан бошлаб эмланишини маълум қилди.  

Унинг сўзларига кўра, ЕИда бир ҳафта ичида коронавирусга қарши вакцинадан фойдаланишга рухсат берилади. Шундан сўнг зудлик билан оммавий вакцинация бошланади.

21 декабр куни Европа дори воситалари агентлиги ЕИда BioNTech ва Pfizer вакцинасидан фойдаланишга рухсат бериш масаласини кўриб чиқади.

Эслатиб ўтамиз, АҚШда 14 декабрда Pfizer ва BioNTech компанияларининг вакцинаси билан коронавирусга қарши эмлаш бошланди.

Аввалроқ Саудия Арабистонининг озиқ-овқат маҳсулотлари ва дори воситалари сифати бўйича санитар назорат бошқармаси Pfizer ва BioNTech компанияларининг коронавирусга қарши вакцинасининг рўйхатга олиниши ва қўлланишини маъқуллаганди.