Қўшимча функционаллар
-
Тунги кўриниш
Россия хорижлик талабаларнинг мамлакатга киришига рухсат берди
16 мартда имзоланган ҳужжатга кўра, Россияга барча хорижлик талабалар эмас, балки фақат эпидемиологик вазият барқарор мамлакатлардан келадиган талабалар киришлари мумкин.
Россия ҳукумати хорижлик талабаларнинг кундузги шаклда ўқиш учун мамлакатга киришларига рухсат берувчи фармойишни тасдиқлади.
Аввалроқ Роспотребнадзор чет эллик талабаларнинг ПЗР тест топширганлиги тўғрисидаги маълумот билан ўқишга қўйилиши тартибини соддалаштирган, аммо мамлакатга кириш учун расмий рухсат берилмаганди.
Қайд этилишича, 16 мартда имзоланган ҳужжатга кўра, Россияга барча хорижлик талабалар эмас, балки фақат эпидемиологик вазият барқарор мамлакатлардан келадиган талабалар киришлари мумкин. Бундай давлатлар рўйхати фан ва таълим вазирлиги ишлаб чиққан ҳамда коронавирус тарқалишининг олдини олиш бўйича тезкор штаб тасдиқлаган алгоритм асосида аниқланади.
Хорижлик талабалар Россияга келишидан камида 10 кун олдин электрон почта орқали келадиган санаси ва кесиб ўтадиган чегара пункти ҳақида университетдаги кураторини огоҳлантириши лозим. Барча талабалар мамлакатга кириш учун электрон почта орқали ўқув юрти вакилидан рухсат олиши ва ПЗР тест топшириши керак. Тест Россияга киришдан уч кундан кўп бўлмаган муддат ичида топширилади. Тест натижаси манфий эканлигини тасдиқловчи маълумотнома чегара назорат пунктида ҳамда ўқув юрти ётоқхонасида кўрсатилади.
Талабалар Россияга келганидан кейин уч кун ичида яна бир марта коронавирусга тест топширади. Сўнгра манфий натижа чиққунига қадар ётоқхонада ўзини ўзи изоляция қилиш режимига амал қилади.
Мавзуга оид
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024