2021 йилда Ўзбекистон аҳолиси 35 миллиондан ошиши мумкин

Йил бошидан буён доимий аҳоли сони кунига ўртача 1,5 минг кишига кўпаймоқда.

2021 йилнинг 1 апрел ҳолатига Ўзбекистоннинг доимий аҳолиси сони 34,7 миллион кишини ташкил этмоқда, деб маълум қилди Давлат статистика қўмитаси.

Доимий аҳоли сони йил бошидан бери 136,7 минг кишига ошган. Бу – Ўзбекистон аҳолиси ҳар ойда ўртача 45,9 минг кишига кўпаяётганини англатади.

2021 йилнинг ҳар бир кунида доимий аҳоли сони ўртача 1,5 минг кишига ошган.

1 апрел ҳолатига, доимий аҳолининг 17,2 миллион нафари – аёллар, 17,4 миллион нафари – эркаклар.

Маълумот учун, 2020 йилда Ўзбекистон аҳолиси 653,7 минг кишига кўпайиб, йил сўнгида 34,5 миллион кишини ташкил этганди. Ўтган йили аҳоли сони ҳар ойда ўртача 54,5 минг кишига ошган.

Ўзбекистон аҳолиси сони неча йилда 40 миллионга етади? — БМТ прогнози

Тайёрлаган: Комрон Чегабоев

#статистика #аҳоли сони #демография