«MAZ-TASHKENT» МЧЖ ХК – бу «БЕЛАВТОМАЗ» (Беларусь Республикаси) ҳолдинги Бошқарув компанияси «Минск Автомобиль Заводи» ОАЖнинг Ўзбекистон Республикасидаги 100 фоиз шуъба корхонаси ва расмий дистрибьютори. «MAZ-TASHKENT» Ўзбекистон бозорида 2016 йилдан фаолият олиб боради. Компания ўзининг беш йиллик фаолияти шарафига «МАЗ билан ёзга!» кафолатли ютуқлари бўлган мисли кўрилмаган акция ўтказади.
1944 йилнинг августида Давлат мудофаа қўмитаси Минскда автомобиль йиғиш заводи (МАЗ)ни ташкил этиш тўғрисида қарор қабул қилди. Ўзининг 77 йиллик фаолияти мобайнида МАЗ беларусь автотехникаси ўзини сифатли, ишончли ва ишлатишда оддий техника сифатида намоён этиб келмоқда. Иттифоқ даврида, масалан, бу техникани ишлатмайдиган бирор бир қурилиш деярли йўқ эди.
Бугунги кунда «МАЗ» автомобиллари – бу юқори сифат техникасида амалга оширилган энг янги конструкторлик ғояларини ўзида мужассамлаштирган техника тимсоли. Замонавий дизайни юқори техник тавсифлари билан бирга МАЗ техникасига жаҳондаги бошқа ишлаб чиқарувчилар билан дадил рақобатлашган ҳолда халқаро автотехника бозорларида турғун позицияларни эгаллаб туриш имконини беради. У ҳар қандай иш режимларида ўзининг жуда зўр техник тавсифларини намойиш этади, йўлсизлик ва қаттиқ иқлим шароитларига жуда яхши мослашган.
Ҳозирги вақтда завод конвейеридан «МАЗ» маркаси остида замонавий, функционал ва ишончли самосваллар, эгарли шатакчилар, бортли автомобиллар, тиркамалар ва яримтиркамалар, махсус техника ва турли махсус ускуналарни ўрнатиш учун шасси ишлаб чиқарилмоқда. Жами 500 моделдан ортиқ ва 1500 модификацияга яқин техника жаҳоннинг 50 дан ортиқ мамлакатига етказиб берилмоқда.
«MAZ-TASHKENT» МЧЖ ХК МАЗ юк, махсус ва йўловчи техникасини сотиш билан шуғулланади, шунингдек, кафолатли ва сервис хизматларини кўрсатади. Замонавий махсус техника ҳар қандай вазифани бажара олади, унинг сифати ва ишончлилиги эса вақт синовидан ўтган.
— Бугунги кунда, Ўзбекистондаги 5 йиллик фаолиятдан кейин, бутун республика бўйлаб 12 та муаллифлик сервис маркази ташкил этилган бўлиб, уларда ҳам кафолат, ҳам кафолатдан кейинги даврда сифатли сервис хизмати кўрсатилади. Шунингдек, кўчма бригадалар ҳам ташкил этилган бўлиб, улар автотехникага бевосита уни ишлатиш жойида хизмат кўрсатиши мумкин. Бундан ташқари, янги сотиш марказлари очилиши ҳам давом этмоқда. Яна битта шундай марказ яқинда Тошкент (Сирғали тумани) да Volvo маркази базасида очилди. Унинг очилишида Беларусь Республикаси Саноат вазири Петр Пархомчик иштирок этди. Бу ерда ўзингиз компания машиналарини кўриб чиқишингиз ва сотиб олишга шартнома тузишингиз мумкин. Бугунги кунга келиб «MAZ-TASHKENT» сотиш марказлари 14 тага етди. Шуни қайд этиб ўтмоқчиманки, техникамизни нафақат Тошкент шаҳрида, балки мамлакатнинг барча минтақаларида ҳам сотиб олиш мумкин, бу ўз навбатида харидорларнинг анчагина маблағини тежайди. Бизнинг техникамизни кўриш, унга баҳо бериш ва синаб кўриш учун юзлаб километр йўлни босиб ўтиш шарт эмас, — дейди «MAZ-TASHKENT» МЧЖ ХК директори Валерий Жигунов. – Бизнинг техника етказиб берадиган жойларимиз географияси жуда кенг: Россиянинг Шимолидан ЖАРгача ва Вьетнамдан Венесуэлагача. МАЗлар турли иқлим шароитларида ишончлидир. Йиғиш корхоналари бутун дунё бўйлаб, шу жумладан, Вьетнам, Венесуэла, Миср, Словакия, Украина, Қозоғистон ва кўплаб бошқа мамлакатларда ташкил этилган.
