Олимпиада ўйинлари ташкилотчилари сешанбага режалаштирилган деярли барча мусобақалар жадвал бўйича ўтишини маълум қилди. Фақат эшкак эшиш ва камондан ўқ отиш мусобақалари ўтказилиш муддати кўчирилган.
Япония шимоли-шарқига Тинч океани томондан "Непартак" тайфуни яқинлашмоқда, деб хабар берди "Киодо" агентлиги.
Синоптикларнинг тахминларига кўра, тайфун сешанба куни Япония соҳилига етиб келиши ва кучли ёмғир, шамолга сабаб бўлиши мумкин.
Синоптиклар кучли шамол Олимпиада ўйинлари бўлиб ўтаётган Токиога ҳам етиб келиши мумкинлигини айтмоқда.
Олимпиада ўйинлари ташкилотчилари сешанбага режалаштирилган деярли барча мусобақалар жадвал бўйича ўтишини маълум қилди. Фақат эшкак эшиш ва камондан ўқ отиш мусобақалари ўтказилиш муддати кўчирилган.
Ўз навбатида, Япония метеорология хизмати кўчки ва сув тошқинлари юз бериши мумкинлигидан огоҳлантирди.
Хабар қилинишича, "Непартак" тайфуни Япония томон соатига 35 километр тезликда яқинлашмоқда.
