Хитой шарқий соҳилига «Делфин» тайфуни келиб урилди, деб хабар берди Reuters.
Хабарда айтилишича, энг кучли зарба Юйхуан шаҳри соҳилига тўғри келган. Соҳилнинг аксарият ҳудудларида кучли ёмғирлар ёғган. Бўрон марказида шамол тезлиги сониясига 42 метрга етган.
Тайфун сабабли соҳилбўйи ҳудудлардан қарийб 1 млн киши эвакуация қилинган. Шанхайда 1,5 мингга яқин авиарейс бекор қилинган.
Аввалроқ тайфун Япониянинг Окинава префектурасига келганди. У ерда олти киши жароҳатланган, 50 мингга яқин аҳоли электрсиз қолган.
