«Кеча Бундесвернинг яна бир А400М русумли учоғи кўплаб инсонларни Кобулдан эвакуация қилди. Бугунга қадар 260дан зиёд инсонларнинг хавфсизлиги таъминланди. Ўзбекистон орқали улар Германияга учадилар», дейилади хабарда.
Маълум қилинишича, Тошкент ва Кобул ўртасидаги ҳаво кўприги Кобулда хавфсизлик ҳолати бунга имкон бергунига қадар, эвакуациянинг жадал давом этишини таъминлайди.
Эслатиб ўтамиз, Ўзбекистон президенти Шавкат Мирзиёев 17 август куни Германия Федератив Республикаси президенти Франк-Вальтер Штайнмайер билан телефон орқали мулоқот қилди.
Суҳбат давомида Афғонистондан Германия фуқароларини эвакуация қилиш масалалари бўйича ҳамкорлик ҳам давом эттирилиши қайд этилган.
