Супер контракт учун ариза топширишнинг сўнгги муддати 1 октябрь этиб белгиланди

Супер контракт бўйича ўқишга қабул қилиш учун ариза топширишнинг сўнгги муддати 1 октябрь этиб белгиланди. Бу ҳақда Олий ва ўрта махсус таълим вазирлиги ахборот хизмати хабар берди.

“2021/2022-ўқув йили учун давлат олий таълим муассасаларига табақалаштирилган тўлов-контракт асосида ўқишга қабул қилиш бўйича аризалар топширишнинг сўнгги муддати 2021 йил 1 октябрь куни этиб белгиланди”, дейилади маълумотда.

Кириш имтиҳонлари натижаларига кўра табақалаштирилган тўлов-контракт асосида ўқиш истагида бўлган абитуриентлардан жорий йилнинг 1 октябрига қадар тегишли олий таълим муассасалари қабул комиссияларига ариза топширишлари мумкин.

#таълим #супер контракт