Бугун айрим ҳудудларда ёмғир ёғади

Бугун Тошкент, Самарқанд, Жиззах, Сирдарё вилоятларида эрталаб бироз ёмғир ёғиши мумкин. Фарғона водийси вилоятларида баъзи жойларда бироз ёмғир ёғади. Республиканинг қолган ҳудудларида ёғингарчилик кутилмайди. Шимолда ва чўл ҳудудларида баъзи жойларда шамол тезлиги 17-22 м/с гача кучаяди. Ҳаво ҳарорати 13-18 даража илиқ, шимолда 9-14 даража илиқ бўлади.

Фото: Kun.uz

Пойтахтда эрталаб бироз ёмғир ёғиши мумкин. Кундуз куни ёғингарчилик кутилмайди. Шамол шимоли-шарқдан 5-10 м/с тезликда эсади. Ҳаво ҳарорати 15-17 даража бўлади.

Республиканинг тоғолди ва тоғли ҳудудларида баъзи жойларда ёмғир ёғади, баланд тоғли ҳудудларда ёғингарчилик (ёмғир, қор) бўлади. Шамол 7-12 м/с тезликда эсади. Ҳарорат кундуз куни 5-10 даража илиқ бўлади.