Қўшимча функционаллар
-
Тунги кўриниш
Пекин-2022. Комилжон Тўхтаев гигант слаломда 29-ўринни эгаллади
Комилжон Тўхтаев гигант слалом йўналишида иштирокини якунлади. Иккинчи стартда у 29-поғонани эгаллади ва Топ-30 га кирди. Бу Осиё вакиллари орасида энг яхши натижа бўлди.
Пекинда 2022 йилги қишки Олимпия ўйинларида қатнашаётган ўзбекистонлик спортчи Комилжон Тўхтаев гигант слалом йўналишидаги иштирокини тугатди.
Биринчи стартда 24 ёшли спортчи 59 спортчи орасида 35-натижани қайд этган, жами 89 спортчи бўлган, аммо 2 киши стартга чиқмаган, 33 киши финалга етиб кела олмаган.
Иккинчи уриниш якунларига кўра, Комилжон Тўхтаев финишга етиб келган 46 спортчи орасида 29-ўринни эгаллаган (2:27.49).
Ушбу босқичда ғалаба швейцариялик Марко Одерматтга насиб этди. Кумуш медалга словениялик Жан Кранец эгалик қилган бўлса, кучли учликка франциялик Матьё Февр якун ясаб берди.
Тоғ чанғиси. Гигант слалом
Эркаклар:
1. Марко Одерматт — 2:09,35(Швейцария);
2. Жан Кранец — +0,19 (Словения);
3. Матьё Февр — +1,34 (Франция)
29. Комилжон Тўхтаев — +18,14 (Ўзбекистон)
Энди Ўзбекистон вакили 16 феврал куни слалом дастурида ўз омадини синаб кўради.
Маълумот учун, Тўхтаев Пекиндаги олимпия ўйинларига Ўзбекистон номидан борган ягона спортчи ҳисобланади.
