Гўшт импорти 10,1 минг тонна ошган. Бу ҳақда Давлат статистика қўмитаси маълумот берди.
Фото: Shutterstock
Қўмита хабарига кўра, 2021 йилда Ўзбекистонга 8 та давлатдан 31,7 минг тонна йирик шохли қорамол гўшти импорт қилинган.
Қайд этилишича, йирик шохли қорамол гўшти импорти 2020 йил билан солиштирилганда 10,1 минг тоннага ошган.
2021 йилда Ўзбекистон энг кўп йирик шохли қорамол гўштини импорт қилган давлатлар орасида Беларусь етакчилик қилмоқда – 21,5 минг тонна гўшт.
Бошқа давлатлар бўйича ушбу кўрсаткич қуйидагича кўриниш олди:
- Қозоғистон – 4,9 минг тонна;
- Украина – 2,9 минг тонна;
- Ҳиндистон – 916 тонна;
- Молдова – 738 тонна;
- Россия – 638 тонна.
Бундан олдин Ўзбекистон гўшт импортини оширгани хабар берилганди.
