Мянма собиқ бош вазири беш йилга озодликдан маҳрум этилди

76 ёшли Нобел мукофоти лауреатига нисбатан коррупция бўйича ўндан ортиқ жиноят иши қўзғатилган.

Фото: Picture Alliance

Мянма суди мамлакат собиқ бош вазири Аунг Сан Су Чжини коррупцияда айблаб беш йилга озодликдан маҳрум қилиш тўғрисида ҳукм чиқарди.

76 ёшли Нобел мукофоти лауреатига нисбатан коррупция бўйича ўндан ортиқ жиноят иши қўзғатилган. Бу биринчи ҳукм бўлиб, Су Чжи ҳар бир айблов бўйича 15 йилгача озодликдан маҳрум этилиши мумкин.

Аунг Сан Су сиёсатчиларнинг биридан пора сифатида олтин ва 600 минг доллар олгани тўғрисидаги айбловларни рад этмоқда.

Аунг Сан Су Чжи бир неча ой аввал бошқа айбловлар бўйича олти йилга озодликдан маҳрум этилганди.

Тайёрлаган Дилшод Аскаров

#Мянма #Аунг Сан Су Чжи

1 феврал куни Мянмада ҳарбийлар мамлакатнинг амалдаги раҳбари Аунг Сан Суу Кйини ҳибсга олиб, ҳокимият армия бош қўмондони Мин Ауинг Ҳлаингга ўтганини, бир йил давомида фавқулодда ҳолат режими амалда бўлишини эълон қилишди.