Ўзбекистон 4 ойда 62 та давлатга 1,1 млрд долларлик тўқимачилик маҳсулотларини сотди

Қўмита хабарига кўра, 2022 йилнинг январь-апрель ойларида Ўзбекистондан қиймати 1,1 млрд АҚШ долларига тенг тўқимачилик маҳсулотлари экспорт қилинган. 

Қайд этилишича, бу умумий экспорт ҳажмининг 15,1 фоизини ташкил этиб, ўтган йилнинг мос даврига нисбатан 24 фоизга ўсган.

Маълум қилинишича, Ўзбекистондан 4 ой давомида дунёнинг 62 та давлатига 452 турдаги тўқимачилик маҳсулотлари экспорт қилинган. 

Тўқимачилик маҳсулотлари экспорти ҳажми қуйидагича:

• пахтадан йигирилган ип – 592 млн;
• тайёр трикотаж маҳсулотлари – 249 млн;
• нақшли мато – 90,7 млн;
• пахтадан газламалар – 48 млн;
• ипак ва ипак маҳсулотлари – 21 млн;
• пахта маҳсулотлари – 14,2 млн;
• гиламлар – 9,7 млн;
• бошқа тўқимачилик маҳсулотлари – 41 млн АҚШ доллари.

Бундан олдин Ўзбекистон маҳсулотлари асосан Хитойга сотилаётгани маълум бўлганди.