ФИФА рейтингидаги ўрни — 4
ЖЧ-2022 сари йўл — 5 ғалаба, 3 дуранг, 0 мағлубият, тўплар нисбати — 18:3.
Саралаш турниридаги энг яхши тўпурар — Антуан Гризманн (6)
ЖЧдаги энг яхши натижаси — чемпионлик (1998, 2018)
ТАРКИБ
Таркиб мувозанатли эмас. Ҳужум супер, ҳимоя ҳам яхши, аммо яримҳимоя панд бериши мумкин. Марказда ўтган жаҳон чемпионатида катта ҳажмдаги ишни бажарган, аммо жароҳат сабаб Қатардаги мундиални ўтказиб юборадиган Поль Погба ва Нголо Кантенинг ўрни билинади.
Дарвозабонлар: Альфонс Ареоля («Вест Ҳэм»), Уго Льорис («Тоттенҳэм»), Стив Манданда («Ренн»);
Ҳимоячилар: Люка Эрнандес («Бавария»), Тео Эрнандес («Милан»), Преснель Кимпембе («ПСЖ»), Ибраима Конате («Ливерпул»), Жюль Кунде («Барселона»), Бенжамен Павар («Бавария»), Вильям Салиба («Арсенал»), Дайо Упамекано («Бавария»), Рафаэль Варан («Манчестер Юнайтед»);
Яримҳимоячилар: Эдуардо Камавинга («Реал»), Юсуф Фофана («Монако»), Маттео Гендузи («Марсел»), Адриен Рабьо («Ювентус»), Орельен Тчуамени («Реал»), Жордан Верету («Марсел»), Кингсли Коман («Бавария»), Усмон Дембеле («Барселона»);
Ҳужумчилар: Карим Бензема («Реал»), Оливье Жиру («Милан»), Антуан Гризманн («Атлетико»), Килиан Мбаппе («ПСЖ»), Кристофер Нкунку («Лейпциг»).
Тахминий бошланғич таркиб: Льорис — Павар, Кунде, Варан, Салиба, Т.Эрнандес — Тчуамени, Гендузи, Гризманн — Мбаппе, Бензема.
Ферлан Менди («Реал»), Антони Марсиял («МЮ»), Люка Дин («Астон Вилла»), Виссам Бен-Йеддер («Монако»), Тома Лемар («Атлетико»), Курт Зума («Вест Ҳэм») каби футболчиларга якуний рўйхатдан жой топилмади, «Милан» посбони Майк Меньян эса жароҳат сабаб мусобақага бора олмайди.
ЮЛДУЗЛАР
Мбаппе — нархи 150 млн евродан ошган футбол юлдузи, мундиал финалида гол урган жаҳон чемпиони.
Килиан бу мавсумда кўпчилик томонидан танқидга учради. Унинг ўйинида ҳақиқатан ҳам худбинлик кўпайиб кетди, аммо бу жамоага қандай таъсир қилиши ҳозирча номаълум.
