Тошкент метроси айрим участкаларида поездлар ҳаракати тезлигига чеклов жорий этилади

Ёз мавсумининг бошланиши муносабати билан Тошкент шаҳрида ҳаво ҳарорати кескин кўтарилиши ва натижада ер усти темир йўлларининг рельслари ҳамда уларнинг пўлат қисмларида ҳарорат жуда юқори бўлиб, +70 даражага етиши мумкин. Бу ҳақда Тошкент метрополитени маъмурияти хабар бермоқда.

Фото: Kun.uz

Темирйўллардан фойдаланиш қоидаларига кўра, рельсларнинг ҳарорати +55 даражадан ошганда поездлар ҳаракати тезлиги пасайтирилиши, яъни рельсларнинг ҳарорати +60 даражагача бўлганда поездлар ҳаракати тезлиги 40 км/соатдан, +65 даражагача 25 км/соатдан ошмаслиги, +70 ва ундан юқори даражада эса поездлар ҳаракати тақиқланиши белгиланган.

Поездлар ҳаракати ва йўловчиларнинг хавфсизлигини таъминлаш мақсадида, метрополитеннинг Ерусти ҳалқа йўли ва Сергели йўли участкаларида ҳаво ҳарорати кўтарилиши кузатилган вақтларда поездлар ҳаракати тезлигига вақтинча чеклов жорий этилади.