Баҳромжон Ҳайдаровнинг ўлим ҳолати Омбудсман томонидан ўрганилди
Андижон шаҳрининг собиқ ҳокими Тошкент шаҳрида жойлашган маҳкумлар учун ихтисослашган касалхонада даволанаётган бўлган. У 2024 йил 5 март куни соат 00:15 ларда касалхонанинг терапия бўлинмасида вафот этган.

Фото: Андижон вилояти ҳокимлиги
Андижон шаҳрининг собиқ ҳокими Баҳромжон Ҳайдаровнинг ўлим ҳолати Омбудсман томонидан ўрганилди. Бу ҳақда Омбудсман матбуот хизмати хабар берди.
Маълум қилинишича, марҳум Баҳромжон Ҳайдаров Тошкент шаҳрида жойлашган 23-сон маҳкумлар учун ихтисослашган касалхонада жазо муддатини ўтаётган, яъни даволанаётган бўлган.
“Ушбу касалхона мингдан ортиқ маҳкумни даволашга ихтисослашган бўлиб, 200 га яқин шифокор ва фелдшерлар хизмат олиб боради. Мазкур муассаса маҳкумларни даволашга ихтисослашган республикадаги ягона касалхона бўлганлиги учун зарурий ва замонавий тиббий асбоб-ускуналар билан жиҳозланган. Омбудсман ва унинг ҳузуридаги Жамоатчилик гуруҳлари томонидан мазкур касалхонага мониторинг ташрифлари амалга ошириб келинган, касалхона ҳудудида ўрнатилган “Омбудсман қутиси”га келиб тушган мурожаатлар доимо иш юритувига олинган.
Касалхона томонидан тақдим этилган ҳужжатларга кўра, марҳум Б.Ҳайдаров “Юрак ишемик касаллиги зўриқиш стенокардияси ФС-III, ИККС (2022 йил март). Коронар қон томирлар стентлаш операциясидан кейинги ҳолат (2022 йил апрель). Гипертония касаллиги III босқич. Артериал гипертензия-III. Хавф-IV (Ўта юқори)” ташхиси билан 2024 йил 5 март куни соат 00:15 ларда касалхонанинг терапия бўлинмасида вафот этган”, дейилади Омбудсман хабарида.
Қайд этилишича, ушбу ҳолат ҳақида касалхона раҳбарияти томонидан махсус прокурорга ва Жазони ижро этиш департаментига маълумот ҳамда марҳумнинг яқин қариндошларига хабар берилган. Махсус прокуратура томонидан суд-тиббий экспертлар жалб қилинган ҳолда текширув ўтказилган. Шу куни соат 8:30 ларда марҳум ўғли ва қудаси томонидан олиб кетилган.
Бош прокуратура матбуот хизмати раҳбари Ҳаёт Шамсутдиновга кўра, ҳозирда ҳолат юзасидан Тошкент махсус прокуратураси томонидан терговга қадар текширув ҳаракатлари олиб борилмоқда.
- Олдинроқ жиноий шериклари билан 48 млрд сўм бюджет маблағларини талон-торож қилганликда айбланиб, суд ҳукми билан 10 йил муддатга озодликдан маҳрум этилган Баҳромжон Ҳайдаров жазони ижро этиш муассасасида вафот этгани хабар қилинганди.
Тавсия этамиз
Путин Россия Одессага даъво қилмаслиги шартини айтган – «Коммерсант»
Жаҳон | 22:26 / 19.03.2025
Қозоғистонда амалдорлар қамоқхоналарга экскурсияга олиб борилмоқда
Жаҳон | 18:16 / 19.03.2025
Трамп: «Украинага босим ўтказишга мажбур бўлгандик»
Жаҳон | 20:53 / 18.03.2025
Temu Ўзбекистонда юридик шахс сифатида рўйхатдан ўтди
Ўзбекистон | 20:25 / 18.03.2025
Сўнгги янгиликлар
-
ЕИ АҚШ товарларига жавоб божлари жорий этишни апрел ўрталарига қолдирди
Жаҳон | 00:51
-
Эрдўған мухолифатни Истанбул мэрининг ҳибсга олинишини сиёсийлаштиришда айблади
Жаҳон | 00:19
-
Наврўз байрамида Тошкентда автобус ва метро қандай тартибда ҳаракатланиши маълум қилинди
Жамият | 23:41 / 20.03.2025
-
Африкадан ҳозирда йўқолиб кетган сайёрага тегишли метеорит топилди
Жаҳон | 23:39 / 20.03.2025
Мавзуга оид

20:36 / 18.03.2025
2024 йил Ўзбекистонда Омбудсманга қилинган мурожаатлар сони 23 мингдан ортиб кетди

17:35 / 18.11.2024
Ўзбекистонда омбудсман тўғрисидаги қонун қабул қилинди

09:37 / 05.03.2024
Андижон шаҳрининг собиқ ҳокими Баҳромжон Ҳайдаров вафот этди

18:50 / 07.02.2024