Якшанба куни Файзуллаев ва ЦСКА дарвозабони Владимир Шайхутдинов ЦСКА ва «Зенит» баскетбол жамоалари ўртасидаги баҳсни залда кузатди. Шу куни россиялик машҳур ҳоккейчи Александр Овечкин ҳам ўйинни кузатиб борди.
— Александр Овечкинни кўрдингизми, уни танийсизми?
— Ҳа, у афсонавий ҳоккейчи, уни кўрдим.
— Овечкиннинг орзуси – Майкл Жордан билан суратга тушиш эканини айтган. Сизда-чи?
— Мен Лионел Месси билан бирга тўп суришни истардим, - дейди Файзуллаев МатчТВ мухбири билан суҳбатда.
Аввалроқ, ўзбекистонлик 20 ёшли футболчи «Барселона»да тўп суришни орзу қилишини айтиб ўтганди.
