Лазизбек Мулложонов биринчи босқичдан ўтди

Бокс бўйича Ўзбекистон эркаклар жамоаси ҳам ўз иштирокини муваффақиятли бошлади.

Олимпиада ўйинларининг иккинчи кунги баҳслари доирасида ўзбекистонлик боксчи Лазизбек Мулложонов (-92 кг) турнирдаги дастлабки жангини ўтказди. Жамоа вакиллари орасида биринчи бўлиб рингга кўтарилган Лазизбек Мулложонов 1/8 финалда жаҳон чемпионати совриндори ва Европа чемпиони, италиялик Азиз Аббос Муҳиддин билан беллашди.

У дастлабки раунддаёқ 4:1 ҳисобида устун келди, иккинчи ва учинчи раундларни ҳам ўз фойдасига ҳал қилди.

Шу тариқа, Муллажонов умумий ҳисобда 4:1 ҳисобида устун келиб чоракфиналга йўлланма олди.

Яримфинал йўлланмаси учун баҳс 1 август куни бўлиб ўтади.