2024 йилнинг 8 ойида Ўзбекистонга импорт қилинган енгил автомобиллар сони маълум қилинди

Ўтган 8 ойда Ўзбекистонга қарийб 1 млрд долларлик енгил автомобиллар импорт қилинган.

Статистика агентлиги маълумотларига кўра, 2024 йилнинг январ-август ойларида Ўзбекистонга 48 055 дона енгил автомобил импорт қилинган.

Енгил автомобиллар импорти ўтган йилнинг мос даврига нисбатан 8 352 донага ошган. Импорт қилинган автомобилларнинг умумий қиймати 912 млн долларга тенг бўлган.

Ўзбекистонга 2024 йилнинг 8 ойида энг кўп енгил автомобил импорт қилинган давлатлар:

— Хитой – 38 085 та

— Корея – 8 729 та

— АҚШ – 622 та

— Япония – 139 та

— Германия – 104 та