Россиядаги ЙТҲда 5 нафар ўзбекистонлик вафот этди

17 декабрь эрталаб Уляновск областидан ўтадиган федерал трассанинг 209-километрида Ўзбекистон фуқаролари иштирокида ЙТҲ содир бўлди. Ичида ўзбекистонликлар бўлган Cobalt автомобили МАЗ автомобили билан тўқнашган.

Дастлабки маълумотларга кўра, Cobalt ҳайдовчиси бошқарувни йўқотган ва қарама-қарши йўналишга чиқиб кетган. Юк машинаси билан тўқнашув оқибатида Cobalt деярли мажақланиб кетган. Унинг ичидаги 5 киши вафот этган. Юк машина ҳайдовчиси жароҳатлар билан шифохонага ётқизилган.

Қозон шаҳридаги Ўзбекистон Бош консулхонаси ЙТҲ оқибатида Ўзбекистон фуқаролари вафот этганини тасдиқлади. Бош консулхона ҳозирда ҳалок бўлганларнинг жасадларини Ўзбекистонга қайтариш чоралари кўрилаётганини маълум қилди.

Вафот этганлар 20 ёшдан 49 ёшгача бўлган: 1977 йилда туғилган А. А., 1988 йилда туғилган Ж. И., 1975 йилда туғилган К. С., 2004 йилда туғилган К. А. ва 1977 йилда туғилган Б. О.

Консуллик мазкур масала бўйича Бош консулхонаси вакиллари билан қуйидаги телефон рақамлар орқали боғланиш мумкинлигини маълум қилди:

+7-843 526-55-63; +7-843 526-55-64; +7-843 526-55-65;