Фаол депутатлар миллий кадрлар захирасига киритилади

Халқ депутатлари вилоят, туман ва шаҳар кенгаши депутати фаолияти кафолати кучайтирилади.

Депутатлик фаолиятида бошқаларга ўрнак бўлган халқ депутатлари вилоят, туман ва шаҳар кенгашининг фаол депутатларини тегишли сиёсий партия раҳбарининг тақдимномасига асосан миллий кадрлар захирасига киритиш амалиёти йўлга қўйилади.

Маҳаллий бюджетни шакллантириш жараёнига маҳаллий кенгаш депутатларини фаол жалб этиш орқали аҳолининг турмуш фаровонлиги оширилади, депутатлар ташаббусларини қўллаб-қувватлаш тизими яратилади.

Бюджет лойиҳасини шакллантиришда ҳудудлар тоифасидан келиб чиқиб, бюджет харажатларининг уч – беш фоизи бевосита маҳаллий кенгаш депутатларининг ташаббуси асосида йўналтирилиши амалиёти йўлга қўйилади. Бунда, Сенат билан ҳамкорликда “Сайловчи – депутат – ҳоким – кенгаш” тўрт бўғинли ўзаро ҳамкорлик тизими жорий этилиши назарда тутилади.