Тошкент шаҳрида жойлашган МЧЖлардан бири 1,7 млрд сўмлик электр энергиясини ўғирлаб фойдаланган. Бу ҳақда Бош прокуратура ҳузуридаги департамент хабар бермоқда.
Маълум қилинишича, департаментнинг Тошкент шаҳри бошқармаси, ИИББ ва “Ўзэнергоинспекция” ҳудудий бошқармаси ходимлари ҳамкорлигида ўтказилган терговга қадар текширувда “K.Y.” МЧЖ масъул шахслари корхона биносидаги электр ҳисоблагичига ташқи таъсир кўрсатиб 2 млн киловатт соат электрдан ўғрилик йўли билан фойдаланиб, давлат ва жамият манфаатларига 1,7 млрд сўм зарар етказган.
Қайд этилишича, мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
