Петербургдаги қурилишда ўзбекистонлик ишчи ҳалок бўлди

“Фонтанка” хабар беришича, ҳодиса 28 феврал куни Стачек проспектидаги Красноселская—Калининская метро линияси учун қурилиш майдончасида содир бўлган. Ўзбекистондан келган 34 ёшли муҳожир метро қурувчиси бўлиб ишлаган. У миграция рўйхатида турган. 

Қурувчи экскаватор ишдан чиққач, уни ўзи таъмирлашга уринган. Бироқ экскаватор ковши тўғридан тўғри унинг устига тушиб кетган. Ўзбекистонлик мигрант олган тан жароҳатлари туфайли воқеа жойида ҳалок бўлган. Ҳуқуқ-тартибот идоралари текширув ўтказмоқда.