Уиткофф Путин билан учрашиш учун 8 соат кутгани айтилди

Махсус вакил Путин ва Лукашенко музокаралари якунлашини узоқ вақт кутгани таъкидланмоқда.

Фото: Jabin Botsford/The Washington Post via AP/picture alliance

АҚШ президентининг махсус вакили Стив Уиткофф Россия президенти Владимир Путиннинг беларуслик ҳамкасби Александр Лукашенко билан музокаралари якунлашини 8 соат кутди, деб хабар берди Sky News. Шундан кейингина махсус элчи Путин билан учрашди.

«Охир-оқибат, Путин Уиткоффга жуда муҳим шахсий вақтини ажратди, бунда аллақачон қоронғи тушган эди. Учрашув ёпиқ эшиклар ортида ўтди», дейилади хабарда. Sky News учрашувни куттириш заруратини Россия томонининг «классик куч ўйини» деб атади.

Стив Уиткофф Москвага 13 март куни эрталаб Украина ва АҚШ Жиддадаги музокаралардан икки кун ўтиб етиб борди. Унда Киев 30 кунлик оташкесимга рози бўлди. Ушбу таклиф Россия томони билан ҳам муҳокама қилиниши режалаштирилган эди. Владимир Путин ва Стив Уиткофф ўртасидаги музокаралар ёпиқ эшиклар ортида ўтди. 14 март куни эрталаб Уиткофф Москвани тарк этди.

Уиткофф билан Путин учрашувининг натижалари ошкор этилмади.

Доналд Трампнинг махсус вакили билан учрашишдан олдин Путин Украинадаги ҳарбий ҳаракатларни тўхтатишга розилигини, бироқ бу узоқ муддатли тинчликка олиб келиши шарти билан эканини айтди.

#Россия #АҚШ #Владимир Путин #Стив Уиткофф

Доналд Трамп 12 феврал куни Владимир Путин ҳамда Володимир Зеленский билан телефон орқали мулоқот қилди. Америка президенти Россия-Украина урушини якунлаш бўйича музокаралар бошланаётганини эълон қилди.