Қуёшда 2025 йилдаги энг кучли чақнаш юз берди

Чақнаш кучи Х2.7 баллга баҳоланди.

Фото: xras.ru

Қуёшда кучли чақнаш содир бўлди, у жорий йилдаги энг кучлисидир, деди Россия Фанлар академияси Коинот тадқиқотлари институти қуёш астрономияси лабораторияси раҳбари Сергей Богачёв.

Унинг айтишича, Қуёшда сўнгги бир ярим ой ичида биринчи марта максимал Х синфидаги чақнаш содир бўлган.

«Ҳозир Қуёшда Х-синфидаги иккинчи чақнаш содир бўлди, унинг кучи Х2.7 балл. Бу жорий йилдаги энг йирик чақнаш», деди Богачёв.

Мутахассиснинг аниқлик киритишича, чақнаш аввалги ҳудудларда эмас, балки қарама-қарши томонда содир бўлган. Олимнинг фикрича, бу юлдуз миқёсидаги фаолликнинг тизимли ўсишидан далолат бериши мумкин.

«Чақнаш ҳудуди Қуёш-Ер чизиғидан тахминан 70 даража узоқликда жойлашган. Бу хавфсиз жой ҳисобланади, аммо катта масса отилиши содир бўлган тақдирда, сайёрага зарба берилиши мумкин - тахминан жума куни», деди лаборатория раҳбари.

Қуёш чақнаши радиация кучига қараб бешта синфга бўлинади - A, B, C, M ва X. Кейинги ҳарфга ўтишда қувват 10 баробар ортади. Энг кам эътиборга сазовор бўлгани А синфидаги чақнашдир.

Қуёшдаги чақнашлар Ерда магнит бўронларини юзага келтиради.

Тайёрлаган: Сардор Юсупов

#Қуёш #Астрономия #магнит бўрони